Rayberê CENTCOM’î General Michael Erik Kurilla şî Kurdîstanê Rojavayî, Kurilla bi îdarekeranê HSD’î de kombîyayîş viraşto.
Rayberîya Merkezî yê Hêzanê Amerîkayê (CENTCOM) eşkere kerd ke Kurîlla vizêrî (16ê Çeleyî) terba Rayberê lejkerî û lejkeranê Amerîkayê û Hêzanê Sûrîyeya Demokratîk de kombîyayiş kerd.
Gorê eşkerekerdişî Rayberîya CENTKOM’î bi amanca “ercnayişê kampanyaya peyde berdena DAIŞ’î û vêrnîya xurtbiyeyena nî koman girotene” ser şîyê Rojava.
CENTCOM’i eşkere kerd ke Ser Fermandar Michael Erik Kurilla şîyo Qampa Hole ya ke Kurdistanê Rojavayî de ro. Qampê Hole û Rojî de zêdeyê 40 hezarî kesê keyeyanê çekdaranê DAIŞ’î estê.
CENTCOM’i bale ante serê nê qampan û va: “DAİŞ nê qampan de xo keno xurt. Ma gerê verê naye bigime.”
Rayberê Merkezî yê Hêzanê Amerîkayî no derheq de nîya va: “Bi vateya raşte û mecazî vacime ke artêşêdê DAIŞ’î nê hepisxaneyan de ra. Serba peyde ruşneyena nînan û welatanê xo karê ma domkeno.”
