Rejîmê Îranî 3 girewteyê kurdî bi hewayêko nimite darde kerdê û dardekerdişî ra ver nêverda girewteyê keyeyanê xo reyde bêrê têhet.
Zilmê rejîmê Îranî vera girewteyanê kurdan dewam kenê. Girewteyê kurdî yê bi nameyê Idrîs Alî û Azad Şoecaî yê Rojhelatê Kurdîstanî û Resûl Ahmed Resûl o ke Silêmanîye ra ke Hepisxaneyê Ûrmîye yê Merkezî de ameyêne girewtene, ewro serê sibayî hetê rejîmî ra ameyê dardekerdene. Rêxistina Heqanê Merdiman a Hengawî eşkera kerd ke dardekerdişê girewteyan ameyo nimitene û heqê pêvînayîşê înan o keyeyanê xo reyde nêdîyeno.
Goreyê xebera Hengawî; heme hîrê girewteyî temmuza 2023î de hetê Wezaretê Îstîxbaratî yê Îranî ra ameyê destbendkerdene û ê berdê merkezê destbendkerdişî yê Ûrmîye. Uca de îşkenceyê girdî înan rê ameyê kerdene. Ame dîyarkerdene ke bi zor û bi rayîrê îşkenceyî ê dayê qiseykerdene û îfadeyî înan rê dayê qebulkerdene û heqê înan ê muhakemekerdişo adilane ameyo binpaykerdene.
