Goreyê raporê HRANA’yî mîyanê serrêk de Rojhelatê Kurdîstan û Îran de 61 cinî ameyê dardekerdene.
Aktîvîstanê Ajansê Xeberan a Rêxistina Heqanê Merdiman a Îranî (HRANA) derheqê binpaykerdişanê serrêkî yê vera cinîyan ê Îran û Rojhelatê Kurdîstanî de raporêk vila kerd. Goreyê raporî 21ê Adara 2025î ra heta 21ê Adara 2026î Rojhelatê Kurdîstan û Îran de 61 cinî ameyê dardekerdene û cezaya dardekerdişî seba 13 cinîyan ameya qebulkerdene.
Ame vatene ke mîyanê nê demî de zafêrê 74 hedîseyê destdergîyê zayendî û 30 hedîseyê kiştişê cinîyan zî ameye komkerdene. Nînan ra vete 187 hedîseyê tedayê keyeyî qewimîyayê.
Eyn raporî de ame vatene ke 13 cinî seba nêweçînitişê serepêşe bi zor ameyê destbendkerdene, 4 cinî ameyê girewtene, seba 11 cinîyan zî dewa ameya akerdene. Sewbîna zî seba 7 cinîyan zî hêzanê Wezaretê Îstîxbaratî cigêrayîş kerdo.
