Merkezê Otîzmî yê Silêmanî, 150 tabloyê ke hetê domananê otîzmî ra ameyî xêzkerdêne, yew nawitgeh de mojna. Mudurê merkezî zî va ke meqsedê înan o yo ke hunerê domananê otîzmî bimojnê.
Merkezê Otîzmî yê Silêmanî de seba domananê otîzmî yew nawitgeha wêneyan abî.
Rayîrberê Merkezê Otîzmî Rehman Elî, serê meqsedê nawitgehî de wina va: “150 wêneyê ke hetê 32 domananê otîzmî ra ameyî xêzkerdêne, nawitgeh de mojnîyayî. Tay nê doman ra eşkenê resîman bêrê, hînek zî tenya eşkenê qeleme bigîrê û kaxizan bêrê. Meqsedê ma o yo ke ma nê nawitgehî ra hunerê domananê otîzmî bimojnê.”
Rehman Elî ard ziwan ke dinya de çareyê dermanî seba domananê otîzmî çîn o, tenya yenê perwerdekerdiş û va: “Merkezê ma eşkenî 75 domananê ke emrê înan mabênê 3 heta 12 serrî de yo, bigîro. Merkezê ma de perwerdeyê ke domanî pê aver şinê, yeno dayîş.”
