Rîyê hêrişan ra des hezar kesî şîyê Qamişlo. Sîvîlî ke camî û dibistanan de manenê şertanê giranan reyde rî bi rî yê. Vizêr Qamişlo de gedeyêko nêweş ê 13 serre rîyê hewayê serdî ra cuya xo vîndî kerd.
Hêrişê çeteyanê HTŞ û SMO’yî yê vera Vakur û Rojhelatê Sûrîye herême de benê sebebê bobelatêka merdimîye.
Goreyê daneyanî ke hetê meclîsî şarî ra ameyê parekerdene, rîyê hêrişanê destpêkê aşma çele ra heta nika dewam kenê, bejayîyê Hesekê, Tebqa, Reqa û Eyn Îsa ra 136 hezar kesî ke zafane Efrîn û Serêkanî ra bêçare mendî ke şêrê Kantonê Cizîrî.
Sîvîlî ke cayanê xo ra ameyê koçberkerdene, camî, dibistan, dêr û ûsn. de têkoşînê cuye danê. Riyê serdê zimistanî ra krîz hîna zaf giran beno. Bi taybetî gede, extîyar û nêweşê kronîkî riyê hewayê serdinî ra tehluke de yê.
Vizêr Qamişlo de gedeyêko 13 serre yo nêweş camî de rîyê hewayê serdî ra dinyaya xo bedelnaye. No bi nimûneyanê tewr bi dej ê rewşa ucayî. Rîyê kêmîmkanîya ekîbanê weşîye û çinbîyayîşê îmkananê germbîyayîşî, şar bi endîşe yo ke hedîseyê winasînî vêşî bibê.
