Hafiz Ahmet Turhalli destnîşan kerd ke firseto tarîxî yo Rojawan, wa bi yewîyeya şarê Kurd bêro tacîkerdiş û vat: “Na yew berpirsîyarêka pîroz a ke şehîdê ma û şarê ma dano ma”
Serekê Giştî yê Hereketê Alimê Îslamî û Kurdistanî yê Hemdem û Modern Hafiz Ahmet Turhalii destnîşan kerdke Saddamo zalim çin bî, Beşar çin bî, na yew qanûnê Homayî ke nîno bedilyayiş; zilmkaran ser lingan nêmanenê
Ahmet Turhalli wina vat: “Homa vano; şima do bivînê bê zalim senî ê çin bibê. No vatiş vîrê ma aneno ke merdim verba zilmî xover dano, senî bi ser bikewê. Şarê ma 10 serra bê nasname û bê statu cuya. No dem de hêrişê hovane verba Kurdan ame kerdiş. Dewletanê Sûrîye, Tirkîya, Iraq û Îranî yê dagirker bi nameyê ola Îslamî şarê ma talan kerd, yê ke waştişê heq û nasnameyê kerdiş qetil kerd û eşt hepisxaneyan. No dem de şarê ma bi se hezaran şehîd da û berdelê giran da.”
Şarê Kurd heta mergî xover dan
Turhalli destnîşan kerd ke şar û ciwanê Kurd seyan serre yê heta mergî xover danî û wina domna: “Ti rayî verba dişmenî çok nêronayî. Merg, êşkence înan ra ame kerdiş la belê çok nêronayî. Ewro zî rewşa Rojawan de vejîyaya werte berpirsîyarîya dano ma ke ma xover bidê û ser şopê bi se hezaran şehîdan bimeşî.”
