Roniştişo ewilîn ê dewaya rojnameger Bîlge Aksu de ke bi îdiaya “endamtîya rêxistine” yeno muhakemkerdene, qerarê tehlîye ame dayene.
Roniştişo ewilîn ê dewaya rojnameger Hamza Kaan (Bîlge Aksu) ke bi îdiaya “endamtîya rêxistine” yeno muhakemekerdene, Mehkemaya Cezayanê Giranan a Stenbolî ya 14. de ame kerdene. Aksu ke çarçewaya cipersayîşê Serdozagerîya Komare ya Eskîşehîrî de 29ê teşrîna peyêne ya 2024î amebi girewtene, bi rayîrê SEGBÎS’î beşdarê roniştişî bi. Avûkatê Aksu zî amade bîyê.
Aksu pawitişê xo de vat ke 11 serrî yo mamostetîya edebîyatî keno, nuşteyê ey zafane edebîyatî ser o yê, riyê problemanê madî ra bi pere rojnameyê Yenî Ozgur Polîtîka rê nuseno, derheqê fîlm û nuştoxanê ke xelate girewta nuşteyan nuseno, roportajan keno û parekerdişê ey ê medyaya dîjîtale ser o zî ameyê çewtkerdene.
Pawitişê Aksu û avûkatanê ey ra pey dozger waşt rewşa girewta yê Aksuyî dewam bikera. Mehkemeyî bi şertê qedexeyê vejîyayîşê teberî û kontrolê edlî qerarê tehlîye da. Roniştişê dewa taloqê 7ê teşrîna verêne bi.
