Rojnameger Rahîme Karvar ke bi îdiaya “endamtîya rêxistine” ameyêne muhakemekerdene, roniştişê ewilîn yê dewa de ameye veradayene.
Rojnameger Rahîme Karvar bi îdiaya “endamtîya rêxistine” ke 17ê çele ra girewte ya, roniştişê ewilîn ê dewa de Mehkemaya Cezaya Giranan a Stenbolî ya 24. de ameye kerdene. Karvar û avûkarê xo roniştişî de amade bîyê. Xeylê rojnameger û temsîlkarê rêxistinanê rojnamegerîye zî roniştişî taqîb kerd.
Ewilî Rahîme Karvar pawitişê xo kerd û pawitişê meslegê rojnamegerîye kerd. Rahîme Karvar peynîya pawitişê xo de waşt bêra veradayene û beratkerdene.
Avûkatan zî pawitişê miwekîla xo kerd û waşt qerarê veradayîşî bêro dayene.
Heyetê mehkema qerarê xo eşkera kerd û bi şertê kontrolê edlî qerarê veradayîşê Rahîme Karvar da. Mehkema roniştişo bîn taloqê 17ê temuze kerd.
