Roniştişê dewaya ke xizmê Narîn Gurane ci ra ameyîne muhakemekerdiş, ame taloqkerdiş.
3ine roniştişê dewaya diyîn ê derheqê qetilkerdişê Narîn Gurana 8 serrî ke 21ê tebaxa 2024ine de dewa Çûlî ya Rezanê Amedî de amî vînîkerdiş û cenazeya aye 19 rojî badê vînîbîyayîşê aye amî vînayîş, 17ine Dadgeha Cezaya Asliyeyê Amedî de ame kerdiş. Wexto ke versûc, avûkatê înan û merdimê kerdoxan beşdar bî, destûr nêame dayîş ke rojnamegerî roniştiş taqîb bikerê.
Dotmama Narîn Gurane Bîrsene, mamê aye Fuat, xala aye Maşallah Guran, mêrdeyê ema aye Mehmet Şevket Kaya, dedzayê aye Muhammed Kaya û xebatkarê Salim Guranî Mehmet Selîm Atasoy ke tepişte ameyîne muhakamekerdiş, merdimê Narîn Gurane Şeyma Kaya, Hehîm Kaya, Halîş yê ke teber de yenê muhakamekerdiş, tewrê roniştişî bî.
Ceza yena waştiş
Badê roniştişî dozgerî derheqê kerdoxan de esasê dewaya mutalayê xo ser temam kerd. No gore do dozgerî semedê 15 sûcdarê ke 6 ci ra tepişte yê û 3 ci ra tut ê, 6 aşmî heta 5 serrî cezaya zîndanî waşt. Roniştiş bi pawitiş dewam kerd, ame taloqkerdiş. Qerarê dewamîyê tepiştişê versucan ame dayîş û dewa taloqê 30ê gulane ame kerdiş.
