Mehmet Salih Erden 30 serrî û 6 aşmî rehîneyî ra pey ame veradayene.
Zîndanê Xarpêtî yê Emnîyetê Berze yê Numre 2 de tepîşte Mehmet Salih Erden ame veradayene. Erdemo ke 1995î de qezaya Hezex a Şirnexî de ameybî destbendkerdene, Dadgehê Emnîyetê Dewlete (DGM) de hukmê cezaya muebedî girewte.
11ê çeleyê 2025î de veradayîşê Erdenî 6 aşmî ame taloqkerdene û Erden 30 serrî û 6 aşmî zîndananê Amed, Ordu, Sêrt, Erzirom, Oltu, Gumuşxaneyî de mend.
Zîndanê Xarpêtî yê tîpê F yê Emnîyetê Berze ra vizêrî saetanê peyênan de ame veradayene Erden, endamanê keyeyê xo ke ameybî ci pêşwazîkerdene, înan reyde şî welatê xo Hezex.
