Waya Hemsereka Pêroyî ya HDP’î ya verên Fîgen Yuksekdag, Sanîye Yuksekdag ameye definkerdiş.
Waya Hemsereka Pêroyî ya Partîya Demokratîke ya Şaran (HDP) a verên Fîgen Yuksekdag, Sanîye Yuksekdag ke gonî mîdeyê aye rê ame û dinyaya xo bedelnaye, ameye definkerdiş. Sanîye Yuksekdag keyeyê xo yê qezaya Çukurova ya Edeneyî de dinyaya xo bedelnaye û 3 rojan agahî aye ra nêameye girewtiş. Badê agahdarkerdişî, komê weşîye û polîsî ameyî keye û cenazeya aye ameye vînayîş.
Cenazeya Sanîye Yuksekdag saetê serê sibayî de Sazgehê Tipê Edlî (ATK) ra ame girewtiş û vernê de berdî banê keyeyê aye Taxa Tuzlugolî ya qezaya Ceyhanî. Badê zî goristanê Taxa Golavasi ya qezaya Yumurtalikî de ameye definkerdiş.
Keyeyê Sanîye Yuksekdag, Parlamenterê DEM Partîye yê Mêrsînî Alî Bozan, îdarekarê ESP û DEM Partîye û xeylêk kesî tewrê merasîmê definkerdişê cenazeye bîyî. Semedê Sanîye Yuksekdage banê keyeyê aye yê Taxa Gazîosmanpaşa ya qezaya Ceyhanî de şîn ame ronayîş.
