Nawitişo ewil ê şanoyê “Jîn (Jinên Azad)” ke hetê kaykeranê cinî ê Şanoyê Bajêr ê Amedî ra ame kaykerdene, ame kerdene.
Şanoyê Bajêr ê Şaredarîya Amedî ya Şaristanê Girdî serdemê 2025-2026 ê tîyatroyî bi nawitişê ewil ê 1ê Êlule Roja Aştî ya Dinya akerd. Nawitişo yewin ê tîyatroyê “Jîn (Jinên Azad)” ke hetê kaykeranê cinî ra ame kaykerdene, Merkezê Kultur û Kongre yê Çand Amedî de ame organîzekerdene. Hemşaredara Amedî ya Şaristanê Girdî Serra Bucak, aktîvîstê TJA’yî û xeylê welatijê beşdarê programî bîyê. Tîyatroyî têkoşînê azadîya cinîyan a komelê kurd de ard sehneyî ser o û eleqeyêka gird temaşekerdoxan ra girewt.
Têkoşînê cinîyan bi ziwanê laşî yeno vatene
Rejîsorîya tîyastroyî Mizgîn Bîlmen, koreografiya ey Bêrîvan Savgat û dramaturgîya ey zî Berfîn Emektar kerd. Kayî de têkoşînê cinîyan û hewayê înan ê rîbirîmendişê tezîye bi ziwanê laşî ameyê vatene. Berhem mektubê Leyla Zana, şîîranê Abdulla Peşêw û nuşteyanê Berfîn Emektarî ra ameyo amadekerdene.
‘1ê Êlule de kaykerdişê kayî zaf muhîm o’
Peynîya kayî de Hemşaredar Serra Bucak şîye sehne ser o û kaykerî pîroz kerdî û wina vat: “Nameyê Şaredarîya Amedî ya Şaristanê Girdî ez şima hemînan pîroz kena û bi heskerdiş û hesret silam kena. Ez ewro zaf bi heyecan a, ewro kaykerdişê kayî zaaf muhîm o. Ewro 1ê Êlule Roja Aştî ya Dinya ya. Wa kurdan rê, Rojhelatê Mîyanên û şarê ma rê pîroz bo. Ez hêvî kena ke û bawer kena ke 1ê Êlule do aştî, yewî û azadîye bîyara. Ez her kesî ke nê kayî de keda înan est a, pîroz kena; kede û hewldayîşê cinîyan pîroz bo. Seba ameyîşê şima zî zaf sipas.”
