Qezaya Qilebanî de seba ke şaredarî vewra cehde û kuçeyan pak nêkena, erebeyî nêeşkenê bi rehetî têbigêrê û welatijanê nêweş destan ser o benê nêweşxane.
Qezaya Qilebanî ya Şirnexî de vewrêka zafe varaye û rayîrê merkezê qeza û yê xeylê dewan ameybî girewtene. Merkezê Qilebanî de rayîrê ke riyê vewra zafe ra ameyê girewtene, rixmo ke 8 rojî vîyartê zî heta nika bi temamî vewre ra nêameyê pakkerdene.
Seba ke şaredarîya AKP’yî karê xo nêkena welatî nê semedî ra mexdûr benê. Welatîyêko ke ewro nêweş kewtbi seba ambulans nêeşkaye vewre û cemedî ser o bêra keyeyê nêweşî, welatijan destan ser o nêweşî berd nêweşxane.
Welatijê ke na rewşe dîye dîmen û fotografî girewtê û vera şaredarîya AKP’yî reaksîyon mojna.
