Muxabîrê ajansê ma Nedîm Orûç ke vizêr qezaya Cizîre ya Şirnexî de wexto ke xeberî taqîb kerdêne, hetê polîsan ra bi derbkerdiş amebi destbendkerdiş, demê destbendkerdişê ey rojêkna ame dergkerdene.
Muxabîrê ajansê ma Nedîm Orûç vizêr taxa Nûrî ya qezaya Cizîre ya Şirnexî de wexto ke xeberî taqîb kerdêne, hetê polîsan ra bi derbkerdiş amebi destbendkerdiş. Polîsan, saetanê serê sibayî de bê ke îfadeyê ey bigêrê, Nedîm Orûç berd Mudirîya Polîsan a Şirnexî. Demê destbendkerdişê Nedîm Orûçî rojêkna ame dergkerdene. Ame zanayene ke derheqê dosyaya Nedîm Orûçî de seba 24 saetan qerarê sînorkerdişê avûkatan û qerarê nimitkî ameyo dayene.
