Mudirîyetê Polîtîkayanê Cinîyan ê Şaredarîya Peyasî bi munasebetê têkoşînê vera şîdetê cinîyan ser o, programê aşma êlule eşkera kerd.
No serdemo de ke kiştişê cinîyan her ke şono vêş beno, Mudirîyetê Polîtîkayanê Cinîyan ê Şaredarîya Peyasî têkoşînê xo yê vera kiştişê cinîyan û zilmî ver bi merkezê Peyasî beno. Bi sloganê “Vatişê Ma Nêqedîya, Ma do Zilmî Pîya Vindarnê”, kombîyayîş û forumê cinîyan ê aşma tebaxe ke dabî destpêkerdene, do aşma êlule de zî dewam bikerê.
Mudirîyetê Polîtîkayanê Cinîyan çalakîyanê ke taxe û parkanê merkezê şaristan de kerdî, înan ra pey nika amanc keno ke cinîyanê dewan reyde bêro têhet. Mudirîyetê Polîtîkayanê Cinîyan ra eşkerayîyêk ameye dayene û tede nê çîyî ameyê vatene: “Seba xurtkerdişê piştgirîya ma ya vera kiştişê cinîyan û her tewir zilmî, vatişê ma est o û ma do pîya nê têkoşînî, aşma êlule de zî taxe û dewanê girêdayeyê qezaya ma de kombîyayîş û forumê cinîyan organîze bikerê.”
Amancê nê kombîyayîşan o yo ke problemê cinîyan bêrê nîqaşkerdene, zîhnîyetêk bêro afernayene û rayîrê têkoşînê pîya vera zilmî bêrê nîqaşkerdene.
Programê çalakîyan wina yo:
* 2ê Êlule Sêşeme, Saete 14:00: Dewa Dêran ya Qezaya Pîranî
* 5ê Êlule Îne, Saete 10:00: Dewa Sakar
* 9ê Êlule Sêşeme, Saete 19:00: Parka Sporî ya Peyasî
* 11ê Êlule Pancşeme, Saete 10.00: Dewa Akdîbek
* 16ê Êlule Sêşeme, Saete 19:00: Parka Temayî
* 19ê Êlule Îne, Saete 10:00: Dewa Gozelan
* 23yê Êlule Sêşeme, Saet 19:00: Parka 75
* 26ê Êlule Îne, Saete 10:00: Dewa Çilkaniyan
