TJA hemverê qetilkerdişê sereka Rêxistina Xelasîya Cinîyanê Îraqî (OWFI) Yanar Mihemed ke 2ê Adare de Bexda de reaksîyon mojna û dîyar kerd ke no hêriş hewteyê 8ê Adare de hemverê têkoşînê rêxistinbîyaye yê semedê azadîya cinîyan taktîkêkê çimtersnayîşî yo plankerde bi.
Têgêrayîşê Cinîyanê Azad (TJA) derheqê qetilkerdişê endama awankerdox û sereka Rêxistina Xelasîya Cinîyanê Îraqî (OWFI) Yenar Mihemed ke 2ê Adare de Bexda de ameye qetilkerdene, eşkerayîyêka nuşteyî weşanaye.
Eşkerayî de bale ant wextê qetilkerdişî ser o û teqez kerd ke no hêrişo ke hewteyê 8ê Adare Roja Cinîyan a Dinya de ame kerdiş, tesaduf nîyo. TJA dîyar kerd ke no hêriş wextêk de ame kerdiş ke cinî xoverdayîş û waştişê xo yê tarîxî semedê azadîye mojnenê, hemverê bîyayîşê kolektîf û sîyasî yê cinîyan taktîkêkê çimtersnayîşî yo bi zanayîş o.
Eşkerayî ke ci de ame waştiş ke sûcdar û kesê pey hêrişî de yê bêrê muhakemekerdiş, wina ame vatiş: “Têkoşînê Yenar Mihemed bênetîce nêmaneno. Her hêrişê hemverê cinîyan do bi îradeyêko hîna xurt ê rêxistinbîyaye reyde rî bi rî bimano.”
Eşkerayî seba keye, heskerdoxanê Yenar Mihemed û pawitoxanê azadîya cinîyan, bi taybetî OWFI, waştişê serweşîye ra pey qedîyaye.
