Mudirîyetê Xizmetanê Pakîye yê Şaredarîya Rêya Armûşî çarçewaya xebata “seferberîya pakîye” de 550 konteynerê çopî yê neweyî, taxan de vila kerdê.
Demo ke qeyûm Şaredarîya Wanî ya Şaristanê Girdî rê amebi tayînkerdene, Mudirîyetê Polîsan bi manaya ke konteynerê çopî çalakîyan de yenê xebitnayene, dest dabi 800 konteyneran ser o. Şaredarîya Rêya Armûşî eynî serre de 244 konteynerî taxan de vila kerd. Ê demî ra nat, heta nika tayê taxanê Rêya Armûşî de konteynere çopî çin bî. Mudirîyetê Xizmetanê Pakîye yê Şaredarîya Rêya Armûşî çarçewaya xebata “seferberîya pakîye” de taxanê de ke konteynerî înan amebî desteserkedene, 550 konteynerê çopî yê neweyî vila kerdê.
