Şaredarîya Şaristanê Girdî ya Amedî, seba weşkerdişê mercanê cuya yê welatijanê ke serranê 90î de agêrayîşê dewanê xo yê vengkerdişî, xebatanê viraştişê rayîrî domyeno.
Serekîya Daîreyê Koordînasyonê Binesazî û Raştkerdişê Rayîran, bi waştişê welatijê ke 2 serrî verê agêrabi mezraya Yolçati ya girêdayî dewa Hamzali yê qezaya Pasûrî ke serranê 90î de ameybi vengkerdiş, dest bi viraştişê rayîrî kerd.
Muxtarê Dewa Hamzaliyî Tahşîn Taş ard ziwan ke destpêk de 4 keyeyî agêrabi dewe la bi destpêkerdişê xebetanê rayîrê ra na hûmare vejîya 8 keyeyan û wina va: “Homa Şaredarîya Şaristanê Girdî ya Amedî ra razî bo. Bi wesayîtan ameyî ke rayîr virazî. Nika mezraye de 8 keyeyî û 50 kesî est ê. Ez fikrîyena ke peynîya viraştişê rayîrî 30-40 keyeyanê bînî zî biagêrê. Yanî heme viraştişê rayîr, awe û ceryanî ra ewnîyenî. Înşallah rayîr bêrê viraştiş û welatijanê ma zî biagêrê dewa xo.”
