Rojnameger û nuştox Huseyîn Aykol ke beşê ewnîyayîşê awarte de yeno dermankerdene, rewşa ey a bi tehluke dewam kena. Doktoran ewro seba ke Aykol bieşko nefes bigîro û bido bi operasyonêk qirika ey ra xortime girêdaye.
Mamosteyê Çapemenîya Azade rojnameger û nuştox Huseyîn Aykol ke 14ê teşrîna verêne de keyeyê xo yê Anqara de gonî şîbî mezgê ey û ey berdbi Nêweşxaneyê Perwerde û Cigêrayîşî yê Sîncanî. Nêweşxane de reyna gonî şîbî mezgê ey û nika beşê çimdarîya awarte de yeno dermankerdene û eynê wextî de rewşa ey a bi tehluke dewam kena. Doktoran ewro seba ke Aykol bieşko nefes bigîro û bido bi operasyonêk qirika ey ra xortime girêdaye. Doktoran dîyar kerd ke enfeksîyono vêş yê Huseyîn Aykolî dewam keno û rixmo ke antîbîyotîkan zî danê ey kêm nêbeno. Tehlukeya cuya ey ser o dewam kena.
