Yew kome ke sîyasetmedarî, roşnvîrî, rojnamegerî, nuştoxî û endam û rayîrberê sazîyanê sîvîlan mîyanê înan de yê, seba ke merasîmê veşnayîşê çekan ê gerîllayê PKK’yî yê Silêmanî de teqîb bikerî, Amed ra kewtî rayîr.
Yew komê gerîllayanê PKK’yî do serê vengdayîşê Rayberê Şarê Kurdî Abdullah Ocalanî de siba bajarê Silêmanî yê Herêma Kurdistanê Federalî de merasîmê veşnayîşê çekan bivirazo. Yew kome ke sîyasetmedarî, roşnvîrî, rojnamegerî, nuştoxî û endam û rayîrberê sazîyanê sîvîlan mîyanê înan de yê, Amed de kom bîyî û ver bi şaristanê Silêmanî ra kewtî rayîr. Kome ke nezîkî 150 kesan ra ameyêne pê û verê Stadyûmê Amedî yê qezaya Peyas ya Amedî de kom bîyî, dima bi çar otobusan kewtî rayîr.
Hevserokê Pêroyî yê Partîya Herêmanê Demokratîkan (DBP) Çîgdem Kiliçgun Uçar û Keskîn Bayindir, Verfeka Meclîsê Cinîyan ê DEM Partî Halîde Turkoglu, Hemserekê Pêroyî yê DAD’î Zeynel Kete, Hemsereka Pêroyî ya OHD’î Ekîn Yeter, Serekê Rumetî yê ÎHD’î Akin Bîrdal û rayîrberanê MED TUHAD-FED’î zî mîyanê kome de ca girewtî.
