Muxtarê dewa Damal Burmadere ya Erdexanî, waştişê Walîya Erdexenî yê girêdayişê cemxaneyan ê Serekîya Cemxaneyî rexne kerd, sifte wezîfe ra ame girewtiş û dima ra muxtar ra serrêk û 3 aşme ceza ame dayiş
Muxtarê Dewa Damal Burmadere Şahîsmaîl Guyukî ra qeyûm ame eştiş. Dima zî heqê ey de doz ame akerdiş û roniştişê diyine yê doze de Muxtar Guyuk û avukatanê ey hadre bîyê. Muxtar Guyuk demê pawitişê xo de va ke o seba ke elewî yo no ser yeno dariznayiş û hetanî peynî do heqê elewîyan bipawo û beraatê xo waşt.
Avûkatê Şahîsmal Goyukî Ahmet Yavuz Yilmaz zî dîyar kerd ke barkerdişê Goyukî çarçiweya propogandayê rêxistinî nêkewenê û no ser ganî Goyuk beraat biko la heyetê mahkeme Muxtar Şahîsmaîl Goyukî ra cezaya serrêk û 3 aşmê da û dima zî qerarê peyveradayişê hukmî da.
