Bi desan rêxistinanê heqanê merdiman û aktîvîstan cezaya îdamî ke hukamatê Îranî daye Pexşan Ezîzî şermezar kerd û waşt wa na ceza bêra betalkerdene.
68 rêxistinanê heqan û aktîvîstanê cinîyan ê Rojhelatê Kurdîstanî û Îranî vera cezaya îdamî ya ke dîyaya Rojnameger Pexşan Ezîzî eşkerayîya hempare daye.
Rêxistinan û aktîvîstan semedê betalkerdişê cezaya îdamî veng da dezgeh, sazgeh û komelê mîyanneteweyî ke wa cade têbigêrê.
Eşkerayîye de wina ame vatene: “Pexşan Ezîzî emrê xo da pawitişê cinîyan û seyyewbînîya komelkî. Îdamkerdişê aye bi nameyê heqanê merdiman do bibo eybo pîl.”
Avûkatê Pexşan Ezîzî, Emir Reisiyan 8ê çeleyî de eşkera kerdbi ke Mehkemeya Berze ya Îranî cezaya îdamî ya ke dîyaye Pexşane Ezîzî testîq kerda.
Pexşane Ezîzî 23ê temmûza 2024î de ameye destbendkerdene û dima ra Mehkemeya Şorişî ya Tahranî cezaya îdamî daye ci.
