DAÎŞ’î serra 2015î de wextê mîtîng ameyêne organîzekerdiş, Garê Trenî yê Anqarayî de hêrişê bombayî kerd û kesê ke ameyî kiştiş aşma 112. de ameyî yadkerdiş.
10ê teşrîna verêne 2015î de Anqara de DAIŞ’î Mîtîngê Kede, Demokrasî û Aştîye de hêrîş pê ard û 104 kesê ke nê hêrişî de ameybî kiştiş, aşma 112. de ameyî yadkerdiş. Yadkerdiş cayê mîtingî de ame kerdiş. Pirogramê yadkerdişî bi pêşengîya Komela Aştî ya 10ê teşrîna verêne ame organîzekerdiş û xeylê kesî beşdarê yadkerdişî bîyî. Kesê ke beşdarê yadkerdişî bîyî sloganê; ‘10ê teşrîna verêne xo vîr ra meke, mede xovîrrakerdiş’, ‘Şerî rê nê, bi lez aştî’ ameyî berzkerdiş.
Hemsereka Komela Aştî ya 10ê Teşrîna Verêne Mehtap Sakîncî pirogramê yadkerdişî de qisey kerd û wina vat: “Aşma 112. de Garê Anqarayî de cayo de ke hedîse qewmîyaye semedê 104 canê xo ma yad bikerê, ma tîya yê. 112 aşmî vîyartê. 112 aşmî yo ma binê vatişêk xêz kenê û vanê; ma do têkoşînê xo bidomnê û semedê têkoşînê xo yê edaletî nêdê xovîrrakerdiş, çi destê ma ra yeno, ma do bikerê.”
Pirogramê yadkerdişî bi aliqnayîşê potiko ke bi dest ameyo viraştiş û nameyê kesê ke ameyê kiştiş nusîyaye bi, qedîya.
