Hepisxaneyê Beşîrî yê Êlihî de seba taloqkerdişê înfazî girewteyê nêweşî Mehmet Emîn Çamî (73) muracat ame kerdene.
Girewteyo nêweş Mehmet Emîn Çam (73) 16ê nîsane de Hepisxaneyê Beşîrî de krîzê qelbî viyartbi û wedarîyabi Nêweşxaneyê Perwerde û Cigêrayîşî yê Êlihî. Çam tedawî ra dima reyna erşawîya hepisxane.
Avûkata ey Nezahat Celen muracatê Hakîmîya Înfazî ya Sêrtî kerd û waşt ke Çam seba nêweşîya xo binê rîskêko pîlî de yo û ganî înfazê ci bêro taloqkerdene. Avûkate muracatî de raporê nêweşxaneyî zî pêşkêş kerd.
Çam de nêweşîyê damaran, tumor, felç ûsn est ê.
Avûkate Nezahat muracat de pare kerd ke goreyê Peymana Heqanê Merdiman a Ewropa û Mehkemeya Heqanê Merdiman a Ewropa tepişîyayîşê Çamî îşkence yo û ganî o veradîyo.
