Semedê gerîlayê ARGK’yî Mehmet Konurî tezîye ameye ronayene ke 1994î de Sîlopî de şehîd bibi. Qiseykerdişan de muhîmîya wayîrvejîyayîşê erjan û xurtkerdişê têkoşînî ser o ame vindertene.
Semedê gerîlayê ARGK’yî Mehmet Konurî ke 17ê tebaxa 1994î de qezaya herêma Çîyayê Reşkê ya Sîlopî ya Şirnexî de pêkewtişêk de şehîd bi, 32 serran ra pey tezîye ameye ronayene. Tezîye bi hewayêko girseyî ameye zîyaretkerdene.
Zîyaretî de ke serkêşîya MEBYA-DER’î de ame kerdene, ver bi banê keyeyê şehîdî yê taxa Yenîşehîrî rayîrşîyayîş ame kerdene. Program bi rêzgirewtişî dest pêkerd.
Hemserekê MEBYA-DER’î yê Şirnexî Ramazan Togrulî badê 32 serran ronayîşê tezîye sey “wayîrvejîyayîşê erjan” pênas kerd.
Sereka DEM Partî ya Sîlopî Besê Cevîz zî keyeyî rê serweşîye waşt û vat ê do têkoşînî bidomnê.
Hemserekê DEM Partî yê Şinexî Ramazan Uysal zî îfade kerd ke bi têkoşînê şehîdan zemînê prosesê ewroyî hazir kerd.
Birayê Konur, Kadîr Konurî zî qiseykerdişê xo yê bi nameyê keyeyî de vat ê do wayîrê erjanê şehîdan bivejîyê.
Çarçeweya programî de semedê Mehmet Konurî mewlid ame wendene.
