Meclîsê Cinîyan ê Îzmîrî pêro taxanê şaristanî de pankartê derheqê mergê bişikî yê Rojîn Kabaîş de kuçeyan ra afîşî aliqnayî.
Meclîsê Cinîyan ê Îzmîrî semedê wendekara Unîversîteya Yuzuncu Yil ê Wanî (YYU) Rojîn Kabaîşa 21 serrî ke 27ê êlule de bişik vîndî bîye û 18 rojan ra dima meyîtê aye ame vînayîş, pêro taxanê Îzmîrî de afîşê aye ameyê aliqnayene. Cinîyan waşt ke qerarê nimite dosya ser o bêro wedaritene û persa “Çi ame sereyê Rojîn?” pers kerd.
‘Ma Îzmîr ra heta Amed soz da’
Cinîyê ke çalakîya afîşî de qisey kerd, dîyar kerd ke ê êdî nêwazenê kesêke zî kêmî bê. Cinîyan dîyar kerd ke ganî tu mergêk bişik tarîtî de nêmano û vat: “Ma her hetê Îzmîrî de semedê Rojîn, afîşan aliqnenê. Ma wazenê ke dosyaya Rojîn ke qerarê nimitişî ser o est o, wedarnê. Ma Îzmîr ra heta Amed soz dabî. Heta ke dewaya Rojîn zelal nêkerê, ma do fek vera nêdê. Ma do çi ameyo sereyê Rojîne, vejê orte.”
