Konseya Kordînasyonî ya Sendîkaya Mamostayanan a Îranî bi eşkerayîyêk îfade kerd ke seba wendekar û mamostayanê ke protestoyan de ameyî qirkerdene, şînê pêroyî îlan kerdo.
Eşkerayî de venga heme mamostayan û wendekaran ame dayene ke vizêrî meşêrê mekteban, beşdarê merasîmê şînî bibê û serweşîya xo biresnê keyeyanê qurbanan.
Eşkerayî de sewbîna wina ame vatene: “Eke wendekarî kuçeyan de ewle nîbê, eke mektebî herinda cayê wendişî de bibê cayê girewteyan, bêvengîya ma do nê felaketî hîna xurtêr bikero. Pawitişê mekteban pawitişê ameyoxî yo. Heqê cuwiyayîşî her çî ra averêr o.”
