Şengalijan hemverê hêriş û destbendkerdişê 5 şervananê YBŞ’yî yê birîndaran rayîrşîyayîşêko girseyî organîze kerd û waşt ke demêk nêzdî de bêrê veradayîş.
Bi serkêşîya Têgêrayîşê Azadîya Cinîyê Êzidî (TAJÊ) û Îdarekarîya Xoserîya Demokratîke ya Şengalî, Şengal de rayîrşîyayîşêko girseyî organîze kerd.
Rayîrşîyayîş verê Şaredarîya Şarî ya Sinûnê ra heta meydanê Mam Zekî bi sloganî “Bijî Berxwedana Şengalê, Bimre Îxanet û Bijî Edalet” dewam kerd û bi eşkerayîyêk qedîya.
Beşdarê rayîrşîyayîşî da zanayîş ke Iraq bi nê hêriş û nêzdîbîyayîşanê xo ewleyî û aramîya Şengalî keno tehluke û da zanayîş ke ganî bi lez şervanê înan bêrê veradayîş.
