Pêkewtişê serê xeta Keşmîrî ya mabenê Hindistan û Pakîstanî her di hêzanê nukleerî de bedilîya rewşêka hîna bi tehluke.
Hukmatê Hindîstanî eşkera kerd ke roja çarşeme ra heta nika Pakîstan bi topan hêriş kena û heta nika 13 sîvîlan cuya xo vîndî kerde û 59 kesî zî birîndar bîyê. Tena dewa Poonşî ya Keşmîrê Bakurrojawanî de 13 kesî merdî û 44 kesî zî birîdar bîyê.
Rewşa bi tehlukeyî ra dima hêrişê hewayî yê Hindîstanî 22ê nîsane de dest pêkerd ke herra Pakîstanî de vera komêka çekdar a ‘hêrişî vera Hindinstanî ra berpirsîyar’ ame kerdiş. Pakîstanî seba ke cewab bida nê hêrişan sînorê ser o dest bi topvaranê vera Hindîstanî kerd. Netîceyê bombardumanê her di hetan de heta nika tewr kêm 43 kesan cuya xo vîndî kerde.
Her di welatî ke serra 1947î ra heta nika Keşmîrî ser o pênêkenî, ney ra ver zî şer kerdbi. Hedîseyê peyênî herême de rîskê şerêko newe xo reyde anê.
