Serekê CHP’yî yo Pêroyî Ozgur Ozel kombîyayîşê partîya xo yê hewtaneyî de qisey keno. Ozel derheqê rojeve de erjnayîşan keno.
Ozgur Ozelî, kombîyayîşê grûba partîya xo de tehdayê ke şaredarîyanê CHP ser o yê û dewayê ke derheqê Ekrem Îmamoğlu de abîyayê, rexne kerdî: “Tena yew derdê înan est o: Ma do bi ser bikewê, ê do bivînê, naye qebul nêkenê.“
Serekê CHP’yî yo Pêroyî Ozgur Ozelî kombîyayîşê grûba partîya xo de qisey kerd. Rojeva ey de dewayê ke şaredarîyanê CHP û Ekrem Îmamoğluyî ser o abîyê, est bî. Ozelî ke va dewayê bi hesabanê sîyasîyan abîyenê, wina qisey kerd:
“Ma çok nêronanê, nêronane zî. Ma va ‘Wurzê we’. Ma va ‘Ma pêro pîya do vera na bêhuqûqî vinderi. “Serok Ekrem 21ê Sibate de seba verweçînayîşê muracat kerd. 22ê Sibate de dîplomaya ey ser dewa ame akerdene.”
Ozelî ke derheqê vengdayîşê serekê PKK’yî Abdullah Ocalanî û prosesê newe yê çareserîya meseleyê Kurdî de qisey kerd, va: “Ma qebûl kenê ke meseleyê Kurdî est o” û dewam kerd: “Demanê peyênan de ma vînenê ke hukmat meseleya Kurdî ser o yew kaykerdişo newe roneno. Ma bi dîqet taqîb kenê û bawer kenê na mesela welatê ma de çareser bena.”
