Serekê EMEP’î yê Pêroyî Seyît Aslanî bale ant çareserîya meseleyê kurdan ser o û wina vat: “Ganî dewlete game bierza û ganî çep û sosyalîstî bêters seba aştî bêra temînkerdene kede bidê.”
Aslanî îfade kerd ke vengdayîşê Rayberê PKK’yî Abdullah Ocalanî muhîm o la qeyûmî û ameyîşê înan, tepiştiş û hêrişê ke Vakur û Rojhelatê Surîye ser o benê bêbawerîye zêde kerd û wina dewam kerd: “Qey qeyyûmî nêeşkenê peyser bêrê girewtene? Eşkenê. Qey qerarê AÎHM û AYM’yî nêeşkenê bêrê caardiş? Eşkenê. La tayînkerdişê qeyyûman dewam keno. No dîyar keno ke dewlete hema zî zelale nîya.”
Aslanî va ke ganî heme terefî endîşeyê xo yê derheqê prosesê neweyî de bîyarê ziwan û qiseykerdişê xo wina qedêna: “Ganî ma şertanê aştî bicesaret bîyarê meydan. Ewil lazimtîya efê pêroyî yê girewteyanê sîyasîyan est o. Dima ganî îqtîdar bi lez erdanê Surîye ra vejîyo. Ganî qeyûmî peyser bêrê girewtene û hemşaredarê ke ameyê weçînayene dest bi karê xo bikê. Ganî qanûnê partîyanê sîyasîyan bibê demokratîk û tu şert de qedexekerdişê înan çin bo. Ganî vernîya çapemenîya kurdî ra astengîyî hewanîyê.”
