DBP, DEM Partî û 13 partîyê sîyasî û sazgehanê komelkîyan vera hêrişanê çeteyanê HTŞ’yî yê bi piştîya AKP û MHP’yî eşkerayîye daye û vat: “Armanc destkewte û statuyê şarê kurdî yo demokratîk o.”
DBP, DEM Partî, Partîya Şorişgere, EHP, EMEP, ESP, Halk Evlerî, SMF, SODAP, SYKP, TÎP, TOP û Partîya Çepe ya Keske vera hêrişanê çeteyanê HTŞ’yî ke Tirkîya piştî dana înan eşkerayîye daye.
Eşkerayîye de ame vatene: “Bi destê çeteyanê HTŞ’yî hemwelatîyanê herême rê pêkewtîş û şer yeno ferzkerdene. HTŞ û çeteyê ey senî ke ameyî îdareyê vera şar û bawerîyan ser o, şer îlan kerd û wazenê modelê rengin û azad wedarîyo.”
Eşkerayîye de ame vatene: “Îqtîdarê AKP û MHP’yî her rey piştî dayo hêrişanê çeteyan. Ma şarê kurdî reyde yê ke rastê qirkerdişî ameyo verdayene. Ma vera nê hêrişan bêveng nêmanenê. Pawitişê destkewteyanê kurdan pawitişê heq û rûmetê heme şaranê herêm o.”
Eşkerayîye de vengdayîşê şar, rêxistin û şorişgeranê Tirkîya û şaranê Rojhelatê Mîyanênî û dinya ame kerdene û vajîya: “Tu hêz nêeşkeno vera îradeyê rêxistinkerdeyî yê şaran de vindero. Tu zordestî û polîtîkayê şerî ser nêkewenê.”
