Destpêkê serra 2026î do emşo ÇandAmed de bi rêzeçalakî û programanê renûreng bêro pîrozkerdene. Pîrozbayî de do gelekî hunermendî do sehne bigîrê.
Amedijî do serra newîye bi programêko rengin pêşwazî bikerê. Program do Merkezê Kultur û Kongreyî yê ÇandAmed de bêro kerdene. Hemsereka Pêroyî ya DBP’yî Çîgdem Kiliçgun Uçar û Keskîn Bayindir, Çetîn Arkaş, Hemşaredarê Amedî û qezayanê ci, parlamenterê herême, xeylê temsîlkarê sazgehanê sîvîl ê demokratîk û şar do beşdarê programê pîrozbayî bibo.
Programê pîrozbayî de hunermend Dilovan, Derya Kakayî, Kasim Taşsogan, Eylul Nazlier, Murat Demîr. û Kerîmê Jîrkî sehne bigîrê û deyîranê xo vajê.
Weşano gandar
Konseranê hunermendan reyde; kay, musabeqa, vacvacokî zî do programî de est bî. Heme beşdarê pîrozbayî do serra newîye pîya pêşwazî bikerê. Programê serrneweyî do Salona Konserî ya ÇandAmedî de saete 20:00î de dest pêbikero û do program televîzyon de bi hewayêko gandar bêro weşanayene.
