Hepsîyo sîyasî Muzaffer Akengîn 32 serrî ra pey ame veradayene, şaristanê xo yê Amedî de bi pêşwazîyêka bi heybet ame viranekerdene.
Muzaffer Akengîn (56) Hepisxaneyê Ewleyîya Berze Tîpa F a Tekîrdagî ra, 32 serrî ra dima veradîya. Teyaragehê Amedî de xeylî kes û merdimê ey, Akengînî pêşwazîyêka bi heybet hembez kerdê.
Demo ke Akengîn ame salonê Teyaragehî, girse bêmîyan siloganê “Bijî berxwedana zîndanan” berz kerd. Vera girse Muzaffer Akengîn zî qisey kerd û wina va: “Ganî seba serbestmendişê heme hepsê nêweş û sîyasî rê, sazî û dezgeyê ma rol û mîsyonê xo kay bikerê.”
Muzaffer Akengîn kam o?
Akengîn serra 1993î de Enqere de ame destbendkerdene û dima zî mahkeme ci rê cezaya muebedî da. Hetanî nika ÎGK’î bi cezayê dîsîplînî serbestmendişê ey, taloq kerd. Akengîn vizêr veradîya.
