Roniştişê dewaya rojnamgeranê ke seba ke “Heqê telîfî” girewto, yenê muhakemekerdene, bi manayê cigêrayîşê materyalanê dîjîtal ame taloqkerdene.
Rojnameger Erdogan Alayumat, Gulcan Derelî, Sûzan Demîr, Tugçe Yilmaz, Kemal Taylan Abatan, komelnas Berfîn Atli û açarnayox Serap Guneş bi manayê xeberan ra “Heqê telîfî” girewto û bi îdiaya “Bi zanayîş hetkarîya rêxistine kerda” yenê muhakemekerdene. Roniştişê dewaya rojnamegeran a 2. Mehkemaya Cezayanê Giranan ê Edlîyeya Stenbolî ya Çaglayanî ya 13. de ameye kerdene. Tay rojnamegerî avûkatanê xo reyde beşdarê roniştişî dewa bîyê. Sewbîna rojnamegeran paştî daye dewaya hemmeslekanê xo.
Roniştişê dewa bi wendişê nasnameyan dest pêkerd û dima ra heyetê mehkema seba cigêrayîşê materyalanê dîjîtal ê rojnamegeran ke ameybî girewtene, roniştişê dewa taloqê 17ê êlule kerd.
