Platformê Sazgehanê Demokratîk bi munasebetê rojbîyayîşê Rayberê Şarê Kurdî Abdullah Ocalanî yo 77. do Stenbol de çalakîyê pîrozkerdişî yê cîya-cîyayan organîze bikero.
Bi munasebetê rojbîyayîşê Rayberê Şarê Kurdî Abdullah Ocalanî yo 77. xeylê şaristananê Kurdîstan û Tirkîya de pîrozkerdişî yenê kerdene. Stenbol de zî bi pêşengîya Platformê Sazgehanê Demokratîk do çalakîyê pîrozkerdişî bêrê organîzekerdene.
‘Tîja sehayî aştî ya, amanc serkewtiş o’
Do 4ê Nîsane de Tesîsê Karadolap ê qezaya Eyupî de turnuvaya futbolî bêra kerdene. Turnuva bi sloganê “Tîja sehayî aştî ya, amanc serkewtiş o” û “Turnuvaya ver bi Tîje” do daete 17:00 û 19:00î de bêra kerdene.
Programê seyranî
Platform do 5ê Nîsane de zî bi sloganê “Ma sifreyê Tîje de yenê têhet” Qeraxê Kanarya yê qezaya Kuçukçekmece de bi beşdarîya Azîme Işik, Veysî Aktaş û Sebahat Tuncel programê seyranî organîze bikero. Programê seyranî de do xeylê hunermendî zî sehne bigîrê. Seyran do mabênê saetanê 11:00 û 17:00î de bêro kerdene.
