Herêma Darfurî ya Sudan de hezaz bi. Hezazî de dewêk rijîyaye û zafêrê heszar kesan cuya xo vîndî kerde.
Dewa Tarasînî ya herêma Darfurî ke kewena rojawanê Sûdanî, hezazêko gird bi. Ame vatene ke hezazî de zafêrê hezar kesî binê herre de mendê û cuya xo vîndî kerda. Hezazî de tena kesêk xelesîya.
Goreyê eşkerayîya Artêşê Têgêrayîşê Rizgarîya Sûdanî, zafêrê hezar kesî ke dewe ciwîyayêne, cuya xo vîndî kerda û tena kesêk xelesîyayo. Eşkerayî de wina ame vatene: “Hezazo gird û rijnayox, dewa Tarasînî bi temamî rijnaye. Goreyê agahîyanê ewil ê ke ma girewtê, pêroyê dewijan cuya xo vîndî kerda.”
Walîyê Darfurî Minni Arko Minawi zî na hedîse sey rewşêka “trajîk” erjnaye û veng da komelê mîyanneteweyî ke bi lez têgêrê. Minawî vat: “No trajedî qaso ke şarê ma tena bieşko hewano, giran o.”
