Hêrişê hêzanê Hukmatê Demkî yê Sûrîye yê vera Suveyda bi zêdîyayîşî dewam kenê. Hêrişê ke ewro giranêr bîyî bajarekê El Mecdel ame hedefgirewtene, herême de çekê giranî û droneyê bombabarkerdeyî ameyî şuxulnayene.
Hêzanê Hukmatê Demkî yê Sûrîye vera Suveyda ke başûrê welatî de ya û zafê nufusê ci durzî yê, hêrişê xo zêdînayî. Hêrişê ke ewro xorî bîyî bajarekê El Mecdel ame hedefgirewtene.
Goreyê xebera ANHA herême El Mecdelî de mabênê hêzanê Hukmatê Demkî û Hêzanê Pawitişê Neteweyî yê Suveyda de pêkewtişê giranî ciwîyenê. Pêkewtişan de çekê giranî û droneyê bombabarkerdeyî yenê şuxulnayene.
Dîya zanayene ke hêzanê Hukmatê Demkî waşt erdî ra bikewê El Mecdel la Hêzanê Pawitişê Neteweyî cewab da û verê înan girewt. Mabênê wird hetan de xeylê kesan dinyaya xo bedilnaye. Ame vatene ke Hêzanê Pawitişê Neteweyî teqwîyeyo leşkerî şawit û xeta cepheyî de seferberîya pêroyî îlan kerd.
Reyna hêzanê Hukmatê Demkî seba ke paştî bidê grûbanê hetê xo başûrê Suveyda de nuqtayanê Til Hedîdî ra bejrayîrê Suveyda-Taile da bombayan ver.
Goreyê eşkerayîya ke hetê Fermandarîya Hêzanê Pawitişê Neteweyî yê Suveyda ewro saetanê şanî de bajarekê Ura de hêrişê bi doronê bombaberkerdeyî de hîrê kesî birîndar bîyî. Dima ra El Mecdel bi çekanê giranan û droneyan ame hedefgirewtene. Ame eşkerakerdene ke pêkewtişan de mensubêkê Hêzanê Pawiitşê Neteweyî birîndar bi.
