Vizêrî bi şewe heta serê sibayî teyareyanê şerî yê Amerîka û Îsraîlî paytextê Îranî Tehran bêmabên bombabaran kerd.
Ajansanê resmî û nêm resmî yê Îranî eşkera kerd ke hêzanê hewayî yê Amerîka û Îsraîlî vizêrî şewe ra heta serê sibayê xeylê herêmanê krîtîk ê Tehran de bombayî varnayê. Ame vatene ke rîyê bombabaranî ra xesarêko gird ê madî virazîyayo. Ajansê Xeberan ê Farsî eşkera kerd ke teqayîş herêmanê 1, 4, 11, 13 û 21. ê şaristanî de bîyo.
Cayê teqayîşî ca bi ca ame eşkerakerdene
Goreyê agahîyanê ewil ke ajansan pare kerdê, herêma 1. Rêbeja Şehîd Babayî û Kuçeyê Şehîd Lengerî; herêma 4. peynîya Rêbeja Şehîd Babayî û derûdorê Warê Herawîye, herêma 11. Kuçeyê Hafiz û Çarrayîrê Komare, herêma 13. Kuçeyê Pîrozî û herêma 21. derûdorê Germdereyî de teqayîşê girdî qewimîyayê. Ame dîyarkerdene ke badê teqayîşan, sîstemê pawitişê asmênî yê Îranî kewt dewre.
Hêrişêko gird Urmîye Rojhelatê Kurdîstanî de zî qewimîya
Hêzê hewayî yê Amerîka û Îsraîlî, Tehranî ra teber hêrişê xeylê cayanê bînan ê Îranî zî kerdo. Goreyê agahîyanê ajansan şaristanê Kerecî û şaristanê Rojhelatê Kurdîstanî Urmîye zî bi hedef û ame bombabarankerdene. Sewbîna zî cayêkê ameyê bombakerdene, xirbe û cayanê rijîyayeyan de xebata cigêrayîş û xelaskerdişî dewam kena.
Îranî zî vizêrî bi fuzeyan hêrişê Îsraîlî kerd. Badê hêrişan Artêşa Îsraîlî bi eşkerayîyêk dîyar kerd ke înan qerar dayo ke do vera Îranî dest bi hêrişêko hîra yê hewayî bikerê.
