Temsîlkarê Îdareyê Xoserî yê Demokratîkî yê Herêma Vakur û Rojhelatê Sûrîye, Lubnan de bi mercîyê berz ê taîfaya Durzîyan ê Lubnanî reyde ameyî pêser.
Cîgirê hemserekîya Dayîreyê Têkilîyanê Teberî yê Îdareyê Xoserî yê Demokratîkî yê Herêma Vakur û Rojhelatê Sûrîye Bedran Çîya Kurdî, mercîyê berz ê durzîyan Şêx Ebû Yûsif Emîn El Sayixî dayîreyê ey ê bajarokê Şaronî yê qezaya Alya ya Lubnanî de ziyaret kerd.
Kombîyayîş de temsîlkarê Îdareyê Xoserî yê Lubnanî Ebduselam Ehmed, sîyasetmedarê Lubnanî Mahir Ebû Şeqra, Elaa El Sayix, Şêx Tewfîq El Sayix û Şêx Ekrem El Sayix zî hadre bîyî.
Çîya Kurdî ehemîyet da dewamkerdişê têkilîye bi pêro pêrabesteyanê Sûrîye û Lubnanî reyde û seba şarê Siwêda yo ke maruzê hêrişanê wehşîyan ê hêzanê hukmatê Sûrîye mend, paştîdayîşê xo ramojna. Heto bîn ra, Şêx El Sayixî zî ehemîyet da xurtkerdişê têkilîyanê kurd û durzîyan û seba helwestê Îdareyê Xoserî spas kerd.
Pergalê demokratîkî yê zafrengî
Sîyasetmedar Mahir Ebû Şeqrayî zî tecrubeyê Îdareyê Xoserî sey nimûneyêko ke ganî pêro Sûrîye de bêro caardene, name kerd. Eynî babete ser o, Elaa El Sayixî zî helwestê Îdareyê Xoserî silam kerd û bal ante serê girîngîya pergalê demokratîkî yê zafrengî.
