Rêxistinê kulturê kurdî TEV-ÇAND û Hunerê Mizgîn bi eşkerayîyêk pêşeng û şehîdê tîyatroyê kurdî yad kerdê û 27ê Adare Roja Tîyatroyî ya Dinya taqîbkerdoxanê tîyatroyî rê pîroz kerd.
TEV-ÇAND û Hunerê Mizgîn bi munasebetê 27ê Adare Roja Tîyatroyî ya Dinya eşkerayîyêk pare kerd. TEV-ÇAND û Hunerê Mizgîn eşkerayîya xo de pêşengê tîyatroyê kurdî ardê vîr û Roja Tîyatrokaran ê Dinya taqîbkerdoxanê tîyatroyî rê pîroz kerd.
Muhtewaya eşkerayî wina ya:
‘Tarîtî ra vejîyayîşê bi paştîdayîş, parekerdiş û hêvî mimkun o’
“Vera tarîtîye îmkanê ke destê ma de yê tewr bihêz, zîhnîyet û vetişê roşnî yê ruhê ma de, hemparekerdiş û zêdekerdişê roşnîye ya. Ma zanê ke no hîna zaf rêxistinkerdişê kede, paştîdayîiş, parekerdiş û hevî mimkun o. Vera dorpêçanê modernîteya kapîtalîst ê ke verê cuya ma danê çalanê bêmana yê xorînan, ma zanê ke xurtkerdişê zemînê modernîteya demokratîk ê heme waranê cuye de berpirsiyarîya ma ya tewr gird a. Ma vînenê ke pawitiş û averberdeiş eştbîyayîşê kulturî yê şaran mesûlîyetêko winasîn reyde mimkun o.
Huner roşnîya koyan resneno deştan
Huner pêroyî tarîxî de eşkayo vera helwêstanê wêrankerdiş û çinhesabnayîş helwêstê xo bido mojnayene, heta roja ma ya ewroyîne terba heme çîyanê komelî aver şîyo. Sey nimûne tîyatro; bi rayîrê rîtûelan eşkayo roşnîyaa xo koyan ra biresno deştan, replîkanê kuçeyan biresno sehne ser û israrê cuyêka azade û têduşte biresno roja ma ya ewroyîne. Ma zî sey taqîbkerdoxê nê tradîsyonî ma do kayanê xo reyde xoverdayîş bikerê û adirê azadî geş bikerê. Heta ke ma çîyanê xo bikerê yê xo, ma do koyanê xo deştanê xo kuçeyanê xo û sehneyê xo veng nêverdenê.
Ma pêşenganê xo anê xo vîr
Ma sozdarîya xo ya seba mîrasê pêşenganê tîyatroyê kurdî yê sey Evdîrehîm Rehmî Hekarî ke nuştoxo yewin ê tîyatroyê kurdî yo, Hêvî Şanoger ke 27ê Adare de maya xo ra bîyo û no yew mîrasê tîyatroyê kurdî yê otantîk û azad koyan de game bi game munito û Yekta Herekol ke reyna 27ê Adarêka bîne de astêka zaf berze de bi berpisiyarîya hunermendbîyayîş û nêzdîbîyîşê rexneyî tacîdar kerda û Bavê Teyar ke eşkayo heme cayanê Kurdîstanî xo rê bikero sehne û eşkayo bibo ruhê tîyatroyî Şorişê Rojava tekrar kenê û bihêz û rêze vîrardişanê înan îlan selam kenê.
Ma zerrî ra 27ê Adare Roja Tîyatroyî ya Dinya kedkaranê tîyatroyî yê verê roşnîya pêşeng û taqîbkerdoxanê hunerê tîyatroyî yê Shopokles, Goldonî, Rehmî Hekarî, Dario Fo, Brecht, Hêvî, Yekta û Bavê Teyar û heme temaşekerdoxan rê pîroz kenê.”
