TEV-EKO îfade kerd ke do strukturê xo yê rêxistine goreyê prensîbanê Têgêrayîşê Azadîya Kurdan û bingeyanê paradîgmaya modernîteya demokratîke û ekolojîya komelkî aver berê û vat têkoşînê ekolojîye de do sewîyeya dinya de aver şêro.
Almanya Darmstadtî de Têgêrayîşê Ewropa-Kurdîstanî yê Ekolojîye (TEV-EKO) pê beşdarîya 30 delegeyan kombîyayîşê di rojan organîze kerd. Kombîyayîşî de Swîsre, Îtalya, Almanya û Awusturyayî ra beşdar bîyî û têgêrayîşê enternasyonalîstan ê ekolojîye zî piştî daye.
Çira TEV-EKO lazim o?
Platformê di rojan de persanê tewr muhîm ra yew zî “çira TEV-EKO lazim o?” bî. Na çarçewa de wina ame îfadekerdiş: “Ekolojî serranê dergan ra yew prensîbanê bingeyin ê Têgêrayîşê Azadîya Kurdîstanî yo. Sîstemêko azad, fonksîyonel û tesîrdar tena pê naye mumkun o ke ferdî pîya her warê cuye de xo rêxistine bikerê.”
Sewbîna bale ame antene ke lazim o ke sey modelo alternatîf awanîyêko radîkal, antîkapîtalîst, komelkî û xoser bêro awankerdene. Endaman îfade kerd ke goreyê ekoqirkerdişo ke Kurdîstan de dewam keno, 2024î ra mecbur mendî ke awankerdişêk bikerê û eşkera kerd ke pê naye seba zaf awanbîyayîşanê Têgêrayîşê Ewropa-Kurdîstanî yê Ekolojîye hewcedarî vejîyaye.
Têkoşîno girs ê dinya
Na çarçewa de ame vîrardene ke TEV-EKO hedef keno ke goreyê prensîbanê Têgêrayîşê Azadîya Kurdan û bingeyanê paradîgmaya modernîteya demokratîke strukturê xo yê rêxistine goreyê ekolojîya komelkî aver bero û pê yew xeta polîtîke û îdeolojîke têkoşînê ekolojîye de sewîyeya dinya de bikero.
Cuya azade û piştîpêdayoxî
Endamanê Ekolojîya Ewropa-Kurdîstanî îfade kerd ke hedefê înan o yo ke komelêko azad û piştîpêdayox o û vat muhîm o ke xoza sey kerdox û bingeyê ciwîyayîşî bêrê dîyayene û heqê pêroyê gandaran bêrê pawitene.
Ekolojîya komelkî pê haştîye mumkun a
Ame dîyarkerdene ke dewleta ke xebata ekolojîye sewîyeya qismî de zêde bîya, Almanya, Swîsre û Îtalya yê labelê dewletê bînî yê Ewropa ra hîna rêxistinbîyayîşêk çin o. Pê prosesê neweyî ame vîrardene ke lazim o ke modelê rêxistinebîyayîşî awan bibo, seba perwerdeyanê ekolojîye heyet bêro dayene, seba keyepelan zaf ziwanî bêrê xebitnayene, hişmendîya ekolojîke zêde bibo û warê komelkî ser o tesîr bikero û cuya rojane de pratîk bikero.
Dostê kurdan ê enternasyonalîstî ke beşdarê muzakereyan bîyî, îfade kerd ke ekolojî tena eke beşdarê haştîye bibê û seba haştîye bêro xebitnayîş eşkeno muhîmbîyayîşê xo bivîno. Bale ame antene ke hişmendîya ekolojîya komelkî tena atmosferê haştîye de hîna weş eşkena bêra fehmbîyayene û bêra averberdene.
