Cinîyê ciwan ê Kolejê Hunerî yê Bedewe dîyar kerdê ê bi rayîrê karê xo yê hunerî wazenê ziwanê kurdkî bipawê û wina vatê: “Lazim o ma heme deman de muhîmî bidê ziwanê kurdkî. Seba ke ti ziwan sey ziwanê kurdkî şîrîn nîyo.”
Cinî bê mîyan xebatê hunerî de pêşengî kerdê. Na çarçiwe de zî muhîmîya bi ziwanê dayîke her tim cinî wayîrê rolêko sereke yê. Seba na yewe zî Zanîngehê Silêmanîye de cinîyê ciwan yê Kolejê Hunerî yê Bedewe bi xebat û karê xo yê hunerî, pêşengî pawitişê ziwanê dayîke rê kenê û wayîrê rolêkî dîyarkerde yê.
Wendekarê Kolejê Hunerî yê Bedewî yê Zanîngehê Silêmanîye na babete ser o Rojnewsî rê qise kerdê.
‘Girêdayî aştî û şehîdan ê’
Wendekara Kolejê Hunerî yê Bedewe yê Beşa Grafîkê Dizaynî ra Lane Teha da zanayîş ke hema zî xeyalê xêzkerdişê wêneyan ci de est o û wina va: “Bi rayîrê bandorê çend leyîstokê sey mikegraf ke leyîstokêkê endazyarîye yo, mi karê hîna zafêr avzelîye bida hunerê fotografî û aver biba. Pêroyîya karê mi de tehmê kurdkî ci de est o û fotografê mi de zî zafê girêdayî aştî û şehîdan ê.”
Zaf çekûyê tirkî têdeyî de est ê
Hewna wendekar Hana Letîf zî wina va: “Seba averberdiş û avzelî dayîşê ziwanê dayîke ez beşdarî no pêşangehî bîya. Hetê grafîkî bikarardişê perçeyê pereyalîi mi avzelî daye ziwanê dayîke. Her wina mi karêko hunerî ser kitabê Elîfbaya Kurdî yê Mamoste Îbrahîm Emîn Baldar kerdo ke serra 1949î de nuştbî û serra 1959î de kewtbî mîyanê materyalê bernameyê wendişî. Kitab serra 2010î de mîyanê dersan de ameyo vetiş û kitabêko bîn ameyo cayê ci û zaf çekûyê tirkî têdeyî de ameyî bikaranayîş Ma zî wazenê bi rayîrê nê pêşangeyê ziwanê kurdkî bipawê.”
Ma bi eşqê ziwanê kurdkî bipawê
Wendekar Naz Cemal zî wina domna: “Bi şêwaza nuştişo bedewe, mi perçe şîîrê Mamosta Hejar nuşto ke nêzdîye xeta dîwanî yo, girewt. Sey kurdêkî lazim o ma her dem de averberdişê ziwanê kurdkî ser o bixebitê. Ti ziwan sey ziwanê dayîke şîrîn nîyo û ziwan nê tena qisekerdiş, belkî kulturî yo zî. Wa ma bi eşqê ziwanê kurdkî bipawê.”
Peynî de wendekar Hewar Fars teqez kerd ke cinîyê Zanîngehê Silêmanîye bi rayîrê karê xo yê hunerî, bi armancê pawitişê ziwanê kurdkî û kulturê kurdkî ke cayê destweşîye, avzelîya ziwanê dayîke nîşan dayê.
