TJA çarçewaya pîrozkerdişan Newroze de Bakirkoy de bi cil û berganê kurdî rayîrşîyayîş viraşt û vilawekan reyde şarî dawetê Newroze kerd.
Kurdîstan û Tirkîya de bi sloganê, “Newroza Azadî û Yewîya Demokratîke”pîrozkerdişê Newroze dewam kenê. Stenbol de zî amadekarîya pîrozkerdişê Newroze dewam kenê. Têgêrayîşê Cinîyanê Azadan (TJA) çarçewaya pîrozkerdişanê Newroze de bi cil û berganê kurdî rayîrşîyayîş viraşt û vilawekê dawetkerdişê Newroze vila kerdî.
Bi rayîrşîyayîş, deyîr û vilawekan şarî dawetê Newroze kerd
Cinî bi cil û berganê xo yê kurdî meydanê Bakirkoyî de kom bîyê û dest bi rayîrşîyayîşî kerd. Cinî bi erbaneyan rayîrşîyayîş viraşt, deyîrî vatî û şar dawetê Newroze kerd.
Stenbol de Newroze do 22ê Adare de Meydanê Yenîkapi de bêra pîrozkerdene.
