Gever de Newroze bi coşêko pîl ameyê pîrozkerdene. Dayîkanê Aştî yê Geverî ke tewrê pîrozkerdişê Newroze bîyê, dîyar kerd ke Newroze tena sembolê ameyîşê wisarî nîya û vat: “Ganî xo reyde aştî zî bîyara. Ganî Newroze biba wesîleyê azadîya Rayber Apoyî. Ganî ziwanê Kurdkî bêro naskerdene.”
Qezaya Geverî ya Colemêrgî de vizêr bi sloganê “Newroza Azadî û Yewîya Demokratîke” Newroze bi coşêko pîl ameye pîrozkerdene. Pîrozkerdişî de dayik, ciwan, cinî, bi renganê kes, sûr û zerd û cilanê xo yê neteweyî meydanê Newroze xemilna. Dayîkanê Aştî yê ke beşdarê pîrozkerdişê Newroze bîyê ajansê ma rê qisey kerd.
Dayîkanê Aştî waşt ke Newroza emserrî wa biba wesîleyê azadîye û azadkerdişê girewteyanê ke zindan de yê. Dayîkanê Aştî îfade kerd ke ê hêvî kenê ke Newrozê ameyoxî hîna weş vîyarê û vat: “Newroze ganî xo reyde aştî bîyara. Ganî Newroze biba wesîleyê azadîya Rayber Apoyî. Ganî ziwanê Kurdkî bêro naskerdene.”
