Bi munasebetê 8ê Adare de TJA’yî Amed çalakîye ameye kerdene. Çalakî de mesajê “Heta ke cinî azade nêba, komel nêeşkeno bibo azad” ame dayene.
Bi wesîleya 8ê Adare Roja Cinîyan a Dinya bi sloganê “Ma bi xoverdayîşî azad benê, komelê demokratîkî awan kenê” Amed û xeylê şaristanan de çalakî ameyê kerdene.
Amed de cinîyê ke verê banê DBP’yî de ameyê têhet bi slogananê “Jin, jiyan, azadî” û “Bijî berxwedana jinan” ver bi Parka Nûjîyan rayra şîyî. Badê rayraşîyayîşî eşkerayî ameye dayene. Eşkerayî de tarîxê 8ê Adare ser bale ameye antene û xoverdayîşê cinîyan ê vera sîstemê camêrdan sey têkoşîno kolektîf ame binamekerdene. Reyna cinîyanê girewteyan rê selamî ameyî erşawitene û mesajê xurtkerdişê têkoşînî ame dayene. Eşkerayî de şorişê cinîyan ê Rojava sey hêvîya seserra 21. ame pênaskerdene.
Eşkerayî de nê ameyî vatene: “Ma nê zaf hol zanê: Heta ke cinî azade nêba, komel nêeşkeno bibo azad. Ma 8ê Adare de tena çalakîyan nêkenê, ma wazenê nê çalakîyan biaçarnê destkewteynê mendeyan, rêxistinkerdişê bêmabênî û bi aştîya ke Birêz Ocalanî mojnaye, înşayê komelê demokratîkî temam bikerê. Têna cinîyê rêxistinkerdeyî yê ke bi felsefeyê xelisnayîşê cinîyan têgêrêne eşkenê azad bibê. Hêrişî çend sîstematîk benê wa bibê, xoverdayîşê ma zî hende rêxistinkerde yo. Ma do bi paştîdayîşê cinîyan û têkoşînê şorişgêrî tarîtîya faşîzm û camêrdîye bidirnê.”
Reyna xeylê şaristananê bînan de zî aktîvîteyanê 8ê Adare de mesajê xurtkerdişê têkoşînî ameyê dayene.
