Torra Têkoşînê Vera Şîdetî raporê şîdetê cinîyan ser o yê serra 2025î eşkera kerd û Torre vat ke her ware de şîdetê vera cinîyan vêşî bîyo.
Torra Têkoşînê Vera Şîdetî ya Amedî vernîya Abdîdeya Heqanê Însanan a Parka Koşuyolu ya Amedî de raporê şîdetî yê vera cinîyan ê serra 2025î eşkera kerd. Xeylê temsîlkarê Torre beşdarê eşkerayî bîyê. Rapor hetê endama Torre Mîna Îlhan ra ame wendene.
Mîna Îlhan dîyar kerd ke demo ke ê par û emserr danê têver, şîdeto psîkolojîk se ra 27 û şîdeto ekonomîk se ra 44 vêşî bîyo û vat: “Şîdeto cînsîyetî û fîzîkî zî hem hetê rêjeyî ra hem zî hetê tedeyî ra giranêr bîyo. Ma do sey Torra Têkoşînê Vera Şîdetî ya Amedî hemverê şîdetî wirzê û seba cuye, bi piştîdayîş û xobîyayîşî têkoşînê xo hîna pîl bikerê.”
Eşkerayî bi vatişiê sloganê “Jin jîyan azadî” û bi tilîlîyan dewan qedîyaye.
