Ame dîyarkerdene ke Serekê Amerîkayî Donald Trump Rîyad de Serekomarê demkî yê Sûrîyeyî Ahmed El Şara reyde pêvînayîş kerdo.
Qesra Spî ra rayedarêk AFP’yî rê qisey kerd û îfade kerd ke pêvînayîşê Donald Trump û Ahmed El Şarayî roja sêşeme saete 10:15î de Rîyad de ameyo kerdene.
No pêvînayîşo ke hetê rayberîya DYA’yî ra sey pêvînayîşêko kilm û fermî nîyo ame dîyarkerdene. No pêvînayîş beyanatê Trump ê seba hewanayîşê ambargoyanê Sûrîye ser o ra pey ame kerdene.
Eynî wextî de DYA Erebîstana Siûdî reyde peymanêka razemenîyan ê seba 600 mîlyar dolarî û peymana çekan a 142 mîlyar dolarî îmza kerde.
Trump nika sey gamêk seba aramîya herême pêşkêş keno û têkîlîyê aborî û pawitişî yê Rîyad reyde xorîn kerdî.
