Donald Trumpî hêrişê Amerîka yê ver bi Venezuela ser o eşkerayîye da û va: “Maduro û cinîya xo tepişîyaye û welat ra ameye vetene.”
Paytextê Caracasî yê Venezuelaye de, saetanê ser sibayî de nuqtayanê cîya-cîyayan ê şarîstanî de teqayîşî qewîmyayê. Rayîrberanê Venezuela dîyar kerd ke hêriş hetê Amerîkaye ra ameyo kerdene. Serekê Dewlete Maduroyî rewşa awarte û seferberîye îlan kerd.
Serekê Amerîkaye Donald Trumpî, hesabê xo yê medyaya sanale TruthSocialî ser o pare kerd û nê îfadeyî şuxulnayî: “Amerîka, ver bi Venezuela û Serekê ci Nicolas Maduroyî yew hêrişo hîra organîze kerdo, Maduro û cinîya xo tepîşîyaye, welat ra zî ameye vetene.”
