Serekê Dewletanê Yewbîyayeyî yê Amerîkayî Donal Trump eşkerayî da rojnamegeran û eşkerayî de mesajê mudaxeleyê bejî yê Îranî da.
Serekê Dewletanê Yewbîyayeyî yê amerîkayî Donald Trump vizêrî şewe eşkerayî da bale ante serê hêzê averberdişê sîstemî û çekê nukleerî yê Îranî û wina vat: “Eke seba wedaritişê tehlukeyanê viraştişê çekê nukleerî û zengînkerdişê uranyûmî çi îcab bikero ganî ey bikerê.”
Trump wexto ke brîfîngêke yê teyarayê Hêzê Hewayî (Air force One) de muxabîran rê nê çîyî ardî ziwan: “Wextêke de belkî ma do naye bikerê. Ey do bibo çîyêko zaf baş.” Trump dîyar kerd ke înan wareyî şopnayê, la ey eşkenê dima ra zî nê bikerê.
Wexto ke Trump ra ame perskerdene “Gelo do leşkerî warê bejî de bikewê dewrê yan nêy?” Trump no îhtîmal red nêkerd û vat: “Gelo beno ke biqewimîyo? Beno ke sebebêk zaf baş bibo, sebebêk zaf baş.”
Trump vatenê xo wina temam kerd: “Ez eşkena şima ra vajî ke eke ma rojêke dest bi şerê erdî bikerê, ey do hende vila bibê ke ey do nêeşke serê erdî de şer bikerê.”
Amerîka û Îsraîl 28ê sibate ra hêrişanê xo yê bi şîdet ê serê Îranî dewam kenê.
